Tramp: Növbəti hədəf İranın elektrik stansiyaları olacaq

ABŞ prezidenti Donald Tramp İranda mühüm körpünün partladılmasından sonra yeni hədəflərlə bağlı açıqlama verib.

InterPress.ge xəbər verir ki, Tramp sosial şəbəkədə paylaşım edərək bildirib ki, növbəti zərbələr İranın elektrik stansiyalarına yönələcək.

“Ordumuz – dünyada ən böyük və ən güclü ordu – hələ İranda qalanların məhvinə başlamayıb. Növbəti hədəf körpülərdir, daha sonra isə elektrik stansiyaları! Yeni rejim rəhbərliyi nə etməli olduğunu bilir və bunu tez etməlidir”, – deyə Tramp qeyd edib.

Qeyd edək ki, İranda, Karaj şəhərində yerləşən B1 körpüsünə hücum edilib. Hadisə nəticəsində 8 nəfər həyatını itirib, 95 nəfər isə yaralanıb.