Reuters: İran ABŞ-ın 48 saatlıq atəşkəs təklifini rədd edib

İran ABŞ tərəfindən irəli sürülən 48 saatlıq atəşkəs təklifini qəbul etməyib.

InterPress.ge xəbər verir ki, bu barədə Reuters İran dövlət mediasına istinadən məlumat yayıb.

Məlumata görə, İran ABŞ-ın müvəqqəti atəşkəs təklifini çərşənbə günü vasitəçilərdən biri vasitəsilə alıb. Lakin rəsmi Tehran bu təklifi rədd edib.

Mənbə təklifin hansı ölkə vasitəsilə çatdırıldığını dəqiqləşdirməyib.

Xatırladaq ki, daha əvvəl The Wall Street Journal ABŞ və İran arasında atəşkəslə bağlı danışıqların çıxılmaz vəziyyətə düşdüyünü yazmışdı. Eyni zamanda Tehran Vaşinqtona yaxın günlərdə İslamabad şəhərində ABŞ nümayəndələri ilə görüşə hazır olmadığını bildirmişdi.