İlham Əliyev Tbilisidə qəhrəmanların xatirəsini anıb

Azərbaycan Prezidenti İlham Əliyev Gürcüstana səfəri çərçivəsində həyat yoldaşı ilə birlikdə Gürcüstanın ərazi bütövlüyü uğrunda həlak olmuş qəhrəmanların xatirəsinə ucaldılmış memorialı ziyarət edib.

InterPress.ge xəbər verir ki, İlham Əliyev memorial önünə əklil qoyaraq həlak olanların xatirəsini ehtiramla yad edib.

Qeyd edək ki, Azərbaycan Prezidenti bu gün Gürcüstana dövlət səfəri ilə gəlib.

Səfər çərçivəsində İlham Əliyevin Gürcüstan Prezidenti Mixeil Kavelaşvili və Baş nazir İrakli Kobaxidze ilə görüşləri planlaşdırılır.

Bununla yanaşı, səfər proqramına Azərbaycan xalqının ümummilli lideri Heydər Əliyevin xatirəsinin yad edilməsi də daxildir.