Şarmanaşvili: Kobaxidze təsirli və güclü siyasətçiyə çevrilib

Parlament çoxluğunun üzvü Tengiz Şarmanaşvili Baş nazir İrakli Kobaxidze barədə açıqlama verib.

InterPress.ge xəbər verir ki, Şarmanaşvili sosial şəbəkədə paylaşım edərək Kobaxidzenin “çox təsirli və ağır çəkili siyasətçi” kimi formalaşdığını bildirib.

Onun sözlərinə görə, “dərin dövlət” və yerli “agentura”nın bütün səyləri Kobaxidzeyə qarşı yönəlib.

“İrakli Kobaxidze çox təsirli, çox güclü siyasətçiyə çevrilib. Bütün səylər onun əleyhinə yönəlib. Ona qarşı ən müxtəlif yalan məlumatları yaymaqdan belə çəkinmirlər”, – deyə Şarmanaşvili qeyd edib.

Deputat əlavə edib ki, müxalifətin Kobaxidzeyə qarşı tənqidləri əsassızdır və onun fikrincə, bu, Baş nazirin güclü lider olmasının göstəricisidir.

Şarmanaşvili bildirib ki, Kobaxidze rəqiblərin qanunsuz fəaliyyətinə imkan vermədiyi üçün onun uzaqlaşdırılmasına cəhd edilir.