Marneulidə 9 Aprel və 20 Yanvar şəhidlərinin xatirəsi anılıb

2026-cı il 9 aprel tarixində “İnkişaf və Təhsil Mərkəzi”, “OXU Təhsil Mərkəzi”, “SARAL İnkişaf və Təhsil Mərkəzi” və “Gürcüstan Azərbaycanlı Tələbələr Birliyi”nin təşkilatçılığı ilə Marneuli bələdiyyəsinin Algeti kəndində anım tədbiri keçirilib.

InterPress.ge xəbər verir ki, tədbir iştirakçıları – təşkilatların kollektivi və fəal gənclər 9 Aprel və 20 Yanvar şəhidlərinin xatirəsinə ucaldılmış abidəni ziyarət edərək önünə qərənfillər düzüblər.

Tədbir çərçivəsində şəhidlərin xatirəsi bir dəqiqəlik sükutla yad olunub. Daha sonra çıxışlar edilib, gənclərə 9 Aprel hadisələrinin tarixi əhəmiyyəti barədə ətraflı məlumat verilib.

Qeyd edək ki, tədbirin aparıcılığı Ülviyə Ağayeva tərəfindən həyata keçirilib.