Avropa Şurasının komissarı Maykl O’Flaherti Gürcüstanda səfərdədir

Avropa Şurası İnsan Hüquqları üzrə komissarı Maykl O’Flaherti Gürcüstana səfər edib və bir sıra görüşlər keçirir.

Hazırda komissar vətəndaş cəmiyyəti nümayəndələri ilə görüşür.

InterPress.ge xəbər verir ki, görüşdə “Beynəlxalq Şəffaflıq – Gürcüstan”, Gənc Hüquqşünaslar Assosiasiyası, Jurnalist Etikası Xartiyası və digər təşkilatların nümayəndələri iştirak edirlər.

Səfər çərçivəsində komissarın Xalq Müdafiəçisi və hakimiyyət nümayəndələri ilə də görüşü planlaşdırılır.

Maykl O’Flaherti Tbilisiyə yola düşməzdən əvvəl X sosial şəbəkəsində yazıb ki, Gürcüstanda hökumət, hakimiyyət və vətəndaş cəmiyyəti ilə insan hüquqları ilə bağlı bir sıra mühüm məsələləri müzakirə etməyi planlaşdırır.