Geka Geladze Avropa Şurasının komissarı ilə görüşüb

Gürcüstanın daxili işlər naziri Geka Geladze Tbilisidə rəsmi səfərdə olan Maykl O’Flaherti ilə görüş keçirib.

InterPress.ge xəbər verir ki, bu barədə Daxili İşlər Nazirliyi məlumat yayıb.

Məlumata görə, görüş zamanı Geka Geladze komissara nazirliyin fəaliyyəti, əsas prioritet istiqamətləri, eləcə də həyata keçirilən və davam edən islahatlar barədə ətraflı məlumat təqdim edib.

Tərəflər həmçinin Gürcüstanda insan hüquqlarının qorunması sahəsində mövcud vəziyyəti müzakirə ediblər.

Görüşün sonunda tərəflər Avropa Şurası ilə Daxili İşlər Nazirliyi arasında gələcək əməkdaşlıq perspektivlərini də nəzərdən keçiriblər.