Donald Tramp: İran Hörmüz boğazını bir daha bağlamayacaq

“İran razılaşıb ki, Hörmüz boğazını bir daha bağlamayacaq – bu, dünya üçün böyük və möhtəşəm gündür.”

InterPress.ge xəbər verir ki, ABŞ prezidenti Donald Tramp bu barədə sosial şəbəkədə paylaşım edib.

Onun sözlərinə görə, İran artıq Hörmüz boğazını qlobal təzyiq vasitəsi kimi istifadə etməyəcək. Tramp qeyd edib ki, əldə olunan razılaşma Livanla bağlı deyil, lakin ABŞ bu istiqamətdə də ayrıca fəaliyyət göstərir.

“İran bütün dəniz minalarını təmizləyib və ya hazırda təmizləyir”, – deyə ABŞ prezidenti əlavə edib.

Tramp həmçinin bu prosesdə göstərilən dəstəyə görə Pakistanı, onun baş nazirini və feldmarşalını, eləcə də Səudiyyə Ərəbistanı, Birləşmiş Ərəb Əmirlikləri və Qətəri xüsusi qeyd edərək təşəkkürünü bildirib.