Marneulidən olan gənc qız Tbilisidə yaşadığı evdə ölü tapılıb

Tbilisidə Marneulinin Yuxarı Saral kəndindən olan gənc qız yaşadığı evdə ölü tapılıb.

InterPress.ge xəbər verir ki, ilkin məlumata görə, eyni evdə yaşayan rəfiqəsi gecə saatlarında mənzilə qayıdarkən onu özünü asmış vəziyyətdə aşkar edib.

Bildirilib ki, mərhum Tbilisidə təhsil alırmış. Hadisənin səbəbləri hələlik məlum deyil.

Faktla bağlı hadisə yerinə hüquq-mühafizə orqanlarının əməkdaşları cəlb olunub.

Mərhumun cənazəsi müvafiq tibbi ekspertizaya göndərilib.