Marneuli bələdiyyə deputatının polis əməkdaşı olan oğlunun “kriminal mahnılar” fonunda əyləndiyi görüntülər yayılıb - VİDEO

Marneulidə keçirilən toy mərasimindən yayılan görüntülər müzakirələrə səbəb olub.

InterPress.ge xəbər verir ki, sosial şəbəkələrdə yayılan görüntülərdə toyda iştirak edən şəxslərdən biri polis əməkdaşı Emil Dursunov olub.

Məlumata görə, o, “kriminal aləm”lə əlaqələndirilən rusdilli mahnılar fonunda əylənərkən görüntülənib.

Bildirilir ki, Emil Dursunov Anar Dursunovun oğludur və Anar Dursunov “Gürcü Arzusu” partiyasından Marneuli bələdiyyə məclisinin üzvüdür.