Nuqzar Tsiklauri Xabeişviliyə cavab verdi: “Yuxarıdan danışmaq heç nə vermir”

“Dəyişikliklər üçün Koalisiya”nın liderlərindən biri Nuqzar Tsiklauri müxalif siyasətçi Levan Xabeişvilinin məhkəmədə səsləndirdiyi bəyanata münasibət bildirib.

InterPress.ge xəbər verir ki, Xabeişvili müxalifət alyansını tənqid edərək, 31 martda 26 may aksiyasının elan olunmasına baxmayaraq, bir ay ərzində kampaniyanın başlanmadığını və fəaliyyətin gecikdiyini bildirib.

Nuqzar Tsiklauri isə “TV Pirveli”nin efirində çıxışı zamanı qeyd edib ki, Xabeişvilinin bu mövqeyi müəyyən səbəblərlə bağlı ola bilər.

“Levan Xabeişviliyə cavab vermək istəmirəm, əsas səbəb onun həbsdə olmasıdır. Tənqid başadüşüləndir, amma bu cür təkəbbürlü, yuxarıdan danışmaq heç nə vermir. Bu mübarizə uzun müddətdir davam edir və proseslər yalnız bir tarixlə məhdudlaşmır”, – deyə Nuqzar Tsiklauri bildirib.

Onun sözlərinə görə, aksiyalar və görüşlər mərhələli şəkildə planlaşdırılır və yaxın günlərdə regionlarda yeni görüşlər keçiriləcək.

Tsiklauri əlavə edib ki, Xabeişvilinin açıqlamaları bəlkə də onun mövcud vəziyyəti ilə – təcrid olunmuş şəraitdə olması ilə bağlıdır.

“Bu, bəlkə də məlumatsızlıq və ya vəziyyətdən irəli gəlir, amma reallıq belə deyil”, – deyə o vurğulayıb.