İrakli Kobaxidze: Almaniya administrasiyası prezidentlə bağlı məlumatı yeniləməməklə özünü komik vəziyyətə salır

Gürcüstanın baş naziri İrakli Kobaxidze Almaniya tərəfinə tənqidi münasibət bildirib.

InterPress.ge xəbər verir ki, Kobaxidze jurnalistlərə açıqlamasında Almaniya administrasiyasının rəsmi veb-saytında Gürcüstan prezidenti ilə bağlı məlumatı yeniləməməsini “komik vəziyyət” kimi qiymətləndirib.

“Almaniya administrasiyası prezidentlə bağlı formal məlumatı belə dəyişmək istəmədikdə özünü komik vəziyyətə salır. Bu, hətta tənqidə də ehtiyac duymur – sadəcə, komikdir”, – deyə İrakli Kobaxidze bildirib.

Qeyd edək ki, “Gürcü Arzusu” partiyası Almaniya Xarici İşlər Nazirliyini tənqid edir. Səbəb isə qurumun rəsmi saytında Gürcüstan prezidenti kimi hələ də Salome Zurabişvilinin göstərilməsidir.