Tbilisidə etiraz yürüşü keçirilir – aksiya iştirakçıları parlamentə doğru hərəkət edir

Gürcüstanın Tbilisi şəhərində Filarmoniyadan parlamentə doğru etiraz yürüşü keçirilir.

InterPress.ge xəbər verir ki, ənənəvi şənbə yürüşü bu gün mediaya dəstək mövzusuna həsr olunub.

Aksiya iştirakçıları “Mziaya azadlıq, siyasi məhbuslara azadlıq” şüarı yazılmış bannerlər açıb, həmçinin müxtəlif məzmunlu plakatlar daşıyırlar.

Etirazçılar həmçinin Gürcüstan, Ukrayna, ABŞ və Avropa İttifaqının bayraqlarını nümayiş etdirirlər.

Yürüş iştirakçıları saxlanılan jurnalist Mzia Amaghlobeli-yə dəstək məqsədilə onun şəkillərinin əks olunduğu bannerlər də nümayiş etdirirlər.

Aksiya iştirakçılarının parlament qarşısında toplaşan digər etirazçılara qoşulacağı bildirilir.

Qeyd edək ki, vətəndaşlar artıq bir ildən çoxdur parlament binası qarşısında etiraz aksiyaları keçirir, yeni parlament seçkilərinin təyin olunmasını və aksiyalar zamanı saxlanılan şəxslərin azadlığa buraxılmasını tələb edirlər.