Kobaxidze ABŞ dövlət katibinin müavininin köməkçisi ilə görüşüb

Gürcüstanın baş naziri İrakli Kobaxidze ABŞ dövlət katibinin müavininin köməkçisi Sonata Kolter ilə görüş keçirib.

InterPress.ge xəbər verir ki, bu barədə Gürcüstan hökumət administrasiyası məlumat yayıb. Bildirilib ki, görüş zamanı əsas diqqət əlaqələndirmə məsələlərinin əhəmiyyətinə və Gürcüstanın Orta Dəhlizdəki roluna yönəldilib.

Məlumata görə, baş nazir İrakli Kobaxidze Gürcüstan hökumətinin ikitərəfli münasibətlərin yenidən qurulmasına hazır olduğunu bir daha təsdiqləyib.

“Baş nazir bir daha Gürcüstan hökumətinin ikitərəfli münasibətlərin yenidən başladılması, strateji tərəfdaşlığın yeni səhifədən konkret yol xəritəsi əsasında və real nəticələrə yönəlik şəkildə bərpasına hazır olduğunu təsdiqlədi”, – deyə hökumət administrasiyasının yaydığı məlumatda bildirilir.