Saburtaloda kişi qətlə yetirilib – bir nəfər saxlanılıb

Tbilisinin Saburtalo rayonunda kişi qətlə yetirilib. Hadisə bir qədər əvvəl baş verib.

InterPress.ge xəbər verir ki, Gürcüstan Daxili İşlər Nazirliyindən verilən məlumata görə, faktla bağlı Gürcüstan Cinayət Məcəlləsinin 108-ci maddəsi ilə istintaq başlanılıb. Sözügedən maddə qəsdən adamöldürməni nəzərdə tutur.

Nazirlikdən bildirilib ki, qətldə təqsirləndirilən şəxs “isti izlərlə” saxlanılıb. Hazırda hadisə ilə bağlı intensiv istintaq tədbirləri davam etdirilir.

Mövcud məlumata əsasən, qətl soyuq silahdan istifadə edilməklə törədilib.