Aİ İsrail təşkilatlarına qarşı yeni sanksiyalar tətbiq edib
Avropa İttifaqının xarici işlər nazirləri fələstinlilərə qarşı zorakılıqda iştirak edən israilli məskunlaşanlara qarşı yeni sanksiyaların tətbiqi barədə razılığa gəliblər.
InterPress.ge xəbər verir ki, bu barədə Fransanın xarici işlər naziri Jean-Noël Barrot sosial şəbəkədə yazıb.
“Tamamlandı. Avropa İttifaqı bu gün Qərb sahilinin ekstremist və zorakı kolonizasiyasını dəstəkləyən əsas israilli təşkilatlara və onların liderlərinə qarşı sanksiyalar tətbiq edir”, – deyə Barro bildirib.
Onun sözlərinə görə, “ən ciddi və dözülməz hərəkətlər dərhal dayandırılmalıdır”.
Aİ rəsmilərinin açıqlamasına əsasən, sanksiya siyahısına yeddi məskunlaşan və ya məskunlaşan təşkilatı daxil ediləcək. Blok eyni zamanda Hamas nümayəndələrinə qarşı da sanksiyaların tətbiqi barədə razılığa gəlib.
Qeyd edək ki, israilli məskunlaşanlara qarşı sanksiyaların tətbiqi qərarı aylarla Viktor Orbán tərəfindən bloklanırdı.
