Marneulidə Heydər Əliyevin həyat və fəaliyyətinə həsr olunmuş tədbir keçiriləcək

“Yeni Nəsillərin Liderləri” təşəbbüs qrupu və Azərbaycan diaspor gənclərinin əməkdaşlığı ilə Ümummilli Lider Heydar Aliyevin həyat və fəaliyyətinə həsr olunmuş tədbir keçiriləcək.

InterPress.ge xəbər verir ki, tədbir mayın 15-də saat 15:00-da Azərbaycan Evində baş tutacaq.

Proqram çərçivəsində fəal gənc Süleyman Novruzov tərəfindən hazırlanmış Heydər Əliyev haqqında videoçarx nümayiş olunacaq. Daha sonra çıxışlar və təqdimatlar təşkil ediləcək.

Tədbirin əsas məqsədi gənclərə milli dövlətçilik irsini tanıtmaq, liderlik dəyərlərini aşılamaq və tarixi yaddaşı gücləndirməkdir.

Tədbirdə 20 fəal gəncin iştirakı gözlənilir.