Təhsil Nazirliyi məktəbli formalarının alınması ilə bağlı açıqlama yayıb
Gürcüstanın Təhsil, Elm və Gənclər Nazirliyi məktəb formalarının satın alınması ilə bağlı açıqlama yayıb.
InterPress.ge xəbər verir ki, nazirliyin tabeliyində fəaliyyət göstərən “Təhsil Resursları” MMC tərəfindən 2026-2027-ci tədris ili üçün dövlət məktəblərinin ibtidai sinif şagirdləri üçün 1 milyon 801 min ədəd məktəb formasının alınmasının ehtimal olunan dəyərinin müəyyən edilməsi məqsədilə 3 aprel 2026-cı ildə bazar araşdırması elan olunub.
Nazirliyin məlumatına görə, mayın 14-də bazar araşdırması prosesində ən aşağı qiymət təqdim edən şirkət müəyyən edilmiş tələbləri yerinə yetirə bilməyib və satınalma prosedurunda iştirakdan imtina edib.
“İctimaiyyətə bildirmək istəyirik ki, yaxın günlərdə “Təhsil Resursları” MMC tərəfindən məktəb formalarının satın alınması məqsədilə yeni bazar araşdırması elan ediləcək”, – deyə məlumatda bildirilir.
