Marneulidə ağır qəza – bir nəfər ölüb, dörd nəfər yaralanıb

Marneuli bələdiyyəsinin Zop kəndində yol-nəqliyyat hadisəsi baş verib.

InterPress.ge xəbər verir ki, iki avtomobilin toqquşması nəticəsində bir nəfər həyatını itirib, daha dörd nəfər isə müxtəlif dərəcəli xəsarətlər alıb.

Məlumata görə, yaralılar tibbi yardım göstərilməsi məqsədilə xəstəxanaya çatdırılıblar.

Gürcüstan Daxili İşlər Nazirliyindən bildirilib ki, faktla bağlı Gürcüstan Cinayət Məcəlləsinin 276-cı maddəsi ilə istintaq başlanıb.

Həmin maddə nəqliyyatın hərəkət təhlükəsizliyi və ya istismar qaydalarının pozulmasını nəzərdə tutur.