Prokurorluq polis əməkdaşlarının zor tətbiq etməklə səlahiyyət həddini aşması maddəsi ilə istintaqa başlayıb

Qoridə baş verən hadisə ilə bağlı Gürcüstan Prokurorluğu polis əməkdaşlarının zor tətbiq etməklə səlahiyyət həddini aşması maddəsi ilə istintaqa başlayıb.

InterPress.ge xəbər verir ki, Prokurorluğun bəyanatında istintaqın Gürcüstan Cinayət Məcəlləsinin 333-cü maddəsinin üçüncü hissəsinin “b” yarımbəndi ilə aparıldığı bildirilib.

Qurumun açıqlamasına görə, hazırda “təxirəsalınmaz istintaq və prosessual hərəkətlər” həyata keçirilir.

Bu gün “Kartlis Ambebi” Qorinin Kombinat qəsəbəsindən videogörüntülər yayıb. Kadrlarda polis əməkdaşlarının saxlanılan vətəndaşlara qarşı zorakılıq tətbiq etdiyi əks olunub.