Bu tarixlərdə Gürcüstanda güclü yağış, dolu və fırtına gözlənilir

Gürcüstan Milli Ətraf Mühit Agentliyi mayın 29-30-da Gürcüstan ərazisində yağıntılı hava şəraitinin gözlənildiyini açıqlayıb.

InterPress.ge xəbər verir ki, agentliyin məlumatına görə, bəzi yerlərdə güclü yağış yağacaq, şimşək və dolu ehtimalı da var.

Bildirilib ki, qərb küləyi güclənəcək, ölkənin şərq hissəsində, o cümlədən paytaxt Tbilisidə arabir çox güclü külək əsəcək.

Dənizdə 4-5 ballıq fırtına gözlənilir.

Agentliyin məlumatına əsasən, gözlənilən intensiv yağıntılar Gürcüstan çaylarında suyun səviyyəsinin əhəmiyyətli dərəcədə artmasına, kiçik çaylarda sel hadisələrinə, təpəlik və dağlıq ərazilərdə isə sürüşmə və palçıq axınlarının yaranması və aktivləşməsinə səbəb ola bilər.

Qeyd olunub ki, təhlükə səviyyəsi orta qiymətləndirilir.