Baş verən ağır qəzada gənc həyatını itirib

Telavi bələdiyyəsində baş verən yol-nəqliyyat hadisəsi bir nəfərin ölümü, bir nəfərin isə xəsarət alması ilə nəticələnib.

InterPress.ge xəbər verir ki, qəza Artaana kəndində baş verib.

Şahidlərin sözlərinə görə, yüksək sürətlə hərəkət edən minik avtomobilinin sürücüsü idarəetməni itirib və nəqliyyat vasitəsi aşıb.

Nəticədə 30 yaşadək kişi aldığı xəsarətlərdən hadisə yerində həyatını itirib.

Avtomobildə olan digər sərnişin isə müxtəlif dərəcəli xəsarətlər alıb və xəstəxanaya çatdırılıb.

Hadisə yerinə polis əməkdaşları cəlb olunub. Faktla bağlı araşdırma aparılır.