İrakli Kobaxidze Azərbaycanın müdafiə naziri Zakir Həsənovla görüşüb

Gürcüstanın Baş naziri İrakli Kobaxidze Azərbaycanın müdafiə naziri Zakir Həsənov ilə görüş keçirib.

InterPress.ge xəbər verir ki, bu barədə Gürcüstan Baş nazirinin mətbuat xidməti məlumat yayıb.

Məlumata görə, görüşdə ikitərəfli, regional və beynəlxalq əməkdaşlıq məsələləri müzakirə olunub.

Tərəflər Gürcüstan və Azərbaycan arasında mövcud olan strateji tərəfdaşlığın yüksək səviyyəsini, həmçinin müdafiə sahəsində əməkdaşlığın əhəmiyyətini vurğulayıblar.

Görüş zamanı regionda sülh və sabitliyin qorunmasının vacibliyinə də xüsusi diqqət yetirilib.

Görüşdə Gürcüstanın baş nazir müavini və müdafiə naziri İrakli Çikovani də iştirak edib.