Rustavidə azyaşlı şəxsin kişini öldürdüyü bildirilir

Rustavidə azyaşlı şəxsin bir kişini qətlə yetirdiyi barədə məlumat yayılıb.

InterPress.ge xəbər verir ki, hadisə ilə bağlı Gürcüstan Daxili İşlər Nazirliyində bir nəfərin saxlanıldığı bildirilib.

Məlumata görə, həyatını itirən şəxs orta yaşlı kişidir.

Daxili İşlər Nazirliyinin məlumatına əsasən, faktla bağlı istintaq Gürcüstan Cinayət Məcəlləsinin 108-ci maddəsi ilə aparılır. Həmin maddə qəsdən adam öldürmə cinayətini nəzərdə tutur və 15 ilədək azadlıqdan məhrumetmə cəzası ilə cəzalandırılır.

Hadisənin başvermə səbəbləri və digər təfərrüatlar istintaq çərçivəsində araşdırılır.