Qonşusunu qətlə yetirməkdə şübhəli bilinən 70 yaşlı kişi ölü tapılıb

Zuqdidi bələdiyyəsinin Oktomberi kəndində qonşusunu qətlə yetirməkdə şübhəli bilinən 70 yaşlı kişi öz evinin yardımçı tikilisində ölü vəziyyətdə aşkarlanıb.

InterPress.ge xəbər verir ki, mövcud məlumata görə, o, intihar edib. Hadisə yerində ekspert-kriminalistlər işləyirlər.

Xatırladaq ki, Oktomberi kəndində qətl hadisəsi bu gün səhər saatlarında baş verib. Məlumata əsasən, 70 yaşlı kişi 55 yaşlarında olan qonşusuna odlu silahla ölümcül xəsarətlər yetirib.

İlkin məlumatlara görə, hadisədən əvvəl tərəflər arasında mübahisə baş verib.

Hadisənin bütün təfərrüatları və baş vermə səbəbləri hüquq-mühafizə orqanları tərəfindən araşdırılır.