Facebook və Messengerdə problem yaranıb – istifadəçilər hesablara daxil ola və mesaj göndərə bilmirlər

"Facebook" və "Messenger" sosial şəbəkələrinin fəaliyyətində nasazlıq müşahidə olunur.

InterPress.ge xəbər verir ki, downdetector.com platformasında istifadəçilərin bir qismi sosial şəbəkələrə daxil olmaqda çətinlik çəkdiklərini, həmçinin mesaj göndərə bilmədiklərini bildiriblər.

Məlumata görə, bəzi istifadəçilər hesablarına giriş edə bilmir, digərləri isə "Messenger" vasitəsilə mesajların göndərilməsində problemlə üzləşirlər.

Hazırda yaranmış nasazlığın səbəbi ilə bağlı "Meta" şirkəti tərəfindən rəsmi açıqlama yayılmayıb. Problemin nə vaxt aradan qaldırılacağı da hələlik məlum deyil.