Gürcüstanda zəlzələ baş verib

Bu gün səhər saatlarında Gürcüstanda zəlzələ qeydə alınıb. Yeraltı təkanlar ölkənin qərb hissəsində hiss olunub.

InterPress.ge xəbər verir ki, bu barədə Yer Elmləri İnstitutu və Milli Seysmik Monitorinq Mərkəzi məlumat yayıb. Məlumata görə, zəlzələ yerli vaxtla saat 08:07-də qeydə alınıb.

Bildirilir ki, zəlzələnin episentri Tkibuli şəhərinin 7 kilometr şimalında, Xonçiori kəndindən isə təxminən 3 kilometr məsafədə yerləşib.

İlkin məlumatlara əsasən, zəlzələnin gücü 4,3 bal (maqnitud) təşkil edib.