Cey Di Vens: İranla danışıqlarda irəliləyiş müşahidə olunur

ABŞ-ın vitse-prezidenti Cey Di Vens İranla keçirilən danışıqlardan sonra İsveçrəni tərk edib.

InterPress.ge xəbər verir ki, bu barədə CNN məlumat yayıb. Məlumata görə, Cey Di Vens İsveçrədən ayrılmazdan əvvəl jurnalistlərə açıqlamasında danışıqlarda irəliləyişin müşahidə olunduğunu bildirib.

Vensin sözlərinə görə, Qətər İranın dondurulmuş aktivlərindən istifadəyə nəzarət mexanizminin yaradılmasında iştirak edəcək.

“Biz Qətərdən elə bir mexanizmin yaradılmasına kömək etməsini xahiş etdik ki, həmin vəsaitlərin məhz bizim istədiyimiz məqsədlər üçün istifadə olunacağına zəmanət verə bilək. Onlar buna razılıq veriblər. Bu məsələ yaxın günlərdə danışıqların mühüm hissəsi olacaq”, - deyə Cey Di Vens bildirib.