Traktorun aşması nəticəsində 33 yaşlı kişi həyatını itirib

Siğnaği bələdiyyəsində baş verən bədbəxt hadisə nəticəsində 33 yaşlı kişi həyatını itirib.

InterPress.ge xəbər verir ki, hadisə İliatsminda kəndində baş verib. Yerli sakinlərin sözlərinə görə, Ramaz Dzmanaşvili üzüm bağını dərmanlamaq üçün traktorla hərəkətdə olarkən qəza baş verib.

Məlumata görə, traktor sahədə olan xəndəyə düşüb, nəticədə texnika aşıb və sürücü onun altında qalıb.

Hadisə nəticəsində 33 yaşlı Ramaz Dzmanaşvili həyatını itirib.