Tbilisidə atışma baş verib – İki nəfər yaralanıb

Tbilisinin Vaşlicvari qəsəbəsində atışma baş verib.

InterPress.ge xəbər verir ki, hadisəni əks etdirən görüntülər sosial şəbəkələrdə yayılıb. Videonu jurnalist Dea Mamiseişvili özünün Facebook səhifəsində paylaşıb.

Bildirilib ki, hadisə nəticəsində iki nəfər yaralanıb.

Yaralılar xəstəxanaya çatdırılıb. Həkimlərin məlumatına görə, onların həyatına təhlükə yoxdur.

Faktla bağlı Gürcüstan Cinayət Məcəlləsinin 117-ci (qəsdən sağlamlığa ağır xəsarət yetirmə) və 236-cı (odlu silahın qanunsuz əldə edilməsi, saxlanılması və daşınması) maddələri ilə cinayət işi başlanılıb.