Şekvetili sahilinə pilotsuz uçuş aparatının fraqmenti çıxıb

Gürcüstanın Şekvetili sahilində dəniz sahilə pilotsuz uçuş aparatının fraqmentini çıxarıb. Hadisənin hansı şəraitdə baş verdiyi hazırda araşdırılır.

InterPress.ge xəbər verir ki, bu barədə Gürcüstan Daxili İşlər Nazirliyi məlumat verib.

Nazirlikdən bildirilib ki, faktla bağlı Gürcüstan Cinayət Məcəlləsinin 280-ci maddəsi ilə istintaq başlanılıb. Sözügedən maddə beynəlxalq uçuş qaydalarının pozulmasını nəzərdə tutur.

Hadisə ilə bağlı "Vahid Milli Hərəkat"ın üzvü Tatya Nikolaşvili də sosial şəbəkədə paylaşım edib. O, öz "Facebook" səhifəsində sahilə çıxan pilotsuz uçuş aparatının fraqmentinin görüntülərini yayıb.

Hadisənin mənşəyi və pilotsuz uçuş aparatının hansı şəraitdə dənizə düşməsi ilə bağlı araşdırma davam edir.