Bizimlə əlaqəHaqqımızda—
Ən son:
TVCANLI

Gürcüstanda repetitorium proqramı 2027-2028-ci tədris ilində fəaliyyətə başlayacaq

434
Gürcüstanda repetitorium proqramı 2027-2028-ci tədris ilində fəaliyyətə başlayacaq
Dinləmək üçün basın

Gürcüstanda şagirdlərin milli imtahanlara hazırlanması məqsədilə repetitorium proqramının 2027-2028-ci tədris ilinin əvvəlindən rəsmi şəkildə fəaliyyətə başlaması planlaşdırılır.

Gürcüstanda şagirdlərin milli imtahanlara hazırlanması məqsədilə repetitorium proqramının 2027-2028-ci tədris ilinin əvvəlindən rəsmi şəkildə fəaliyyətə başlaması planlaşdırılır.

InterPress.ge xəbər verir ki, bunu Gürcüstanın Təhsil, Elm və Gənclər naziri Givi Mikanadze açıqlamasında deyib.

Nazirin sözlərinə görə, hazırda repetitorium çərçivəsində istifadə olunacaq dərsliklərin hazırlanması istiqamətində intensiv iş aparılır. Yaxın müddətdə isə proqramda fəaliyyət göstərəcək müəllimlər seçiləcək, onların ixtisasartırma və hazırlıq prosesi təşkil olunacaq.

Mikanadze bildirib ki, repetitoriumda şagirdlərin daha effektiv hazırlanması üçün böyük qrupların yaradılması nəzərdə tutulmur. Onun sözlərinə görə, qruplarda şagirdlərin sayı hazırkı siniflərdən ən azı iki dəfə az olacaq və mümkün olduğu halda 10 nəfərlik qrupların yaradılması planlaşdırılır.

“Çalışırıq ki, 10 nəfərlik qruplar yaradaq. Məqsəd odur ki, şagirdlərin milli imtahanlarda verməli olduqları 3-4 fənn üzrə hazırlığı maksimum effektiv olsun. Onlar il ərzində 3 və ya 4 fənn üzrə hazırlaşacaqlar və proqram milli imtahanların tələbləri ilə tam uyğunlaşdırılacaq”, – deyə nazir bildirib.

Nazir qeyd edib ki, repetitorium proqramının əsas məqsədi şagirdlərin məktəbi bitirdikdən sonra əlavə hazırlığa ciddi ehtiyac olmadan milli imtahanların keçid balını toplamasına və seçdikləri universitetə qəbul olmasına imkan yaratmaqdır.

Mikanadze bildirib ki, proqramın ilk dəfə 2027-2028-ci tədris ilində istifadəyə verilməsi gözlənilir.

Xəbəri qiymətləndir
Məqalənin müəllifiInterPress

Son xəbərlər

Aİ Rusiyaya qarşı sanksiya siyahısını genişləndirib – 12 fiziki şəxs və 101 qurum sanksiyalara məruz qalıbAİ Ukraynaya dron və döyüş sursatlarının alınması üçün 1,71 milyard avro ayırıbAİ Ukraynaya 8 milyard avroyadək maliyyə dəstəyi ayıracaqGürcüstanda xaricdə tanınan ümumi təhsil proqramlarının tətbiqi qaydası dəyişirGASU “AGORA” adlı yeni beynəlxalq tələbə layihəsinə start veribSon xəbərlərə bax →