Britaniyalı milyarder Ser Cim Retkliff: Böyük Britaniyaya inamımı itirmişəm

Milyarder, “Ineos” şirkətinin təsisçisi və “Mançester Yunayted” klubunun ortaq sahibi Ser Cim Retkliff Böyük Britaniyaya inamını itirdiyini bildirib.

InterPress.ge xəbər verir ki, Retkliff bu barədə “BBC”yə müsahibəsində danışıb. Onun sözlərinə görə, yüksək vergilər, miqrasiya və enerji siyasəti səbəbindən ölkə “geriləmə yolundadır”.

“Hazırda düşünürəm ki, Birləşmiş Krallıq geriləmə yolundadır. Bu prosesi necə dayandıracağımızı görmək olduqca çətindir. Lakin nəticə etibarilə düşünürəm ki, bizə iki şey lazımdır: bəzi çox mürəkkəb problemlərin öhdəsindən gəlmək üçün kifayət qədər qətiyyətli siyasətçilərə ehtiyacımız var və bu problemlərin nə olduğunu bilirik.

Bizə ölkə üçün, özləri və partiyaları üçün deyil, yaxşı olacaq qərarlar qəbul edən siyasətçilər lazımdır. Biz isə uzun müddətdir ki, belə siyasətçilərə sahib deyilik.

Heç kim miqrasiya probleminin öhdəsindən gəlmək üçün kifayət qədər qətiyyətli deyil, heç kim sosial müavinətlər problemini həll etmək üçün kifayət qədər qətiyyətli deyil. Lakin kimsə bunu etməlidir. Əks halda, bunun pis nəticələnəcəyini bilirsiniz, elə deyilmi?” – deyə Ser Cim Retkliff bildirib.