Tbilisidə Yeni il şənliyi keçiriləcəkmi? - AÇIQLAMA

Meriya Yeni il tədbirləri ilə bağlı qərar verməyib.

InterPress.ge xəbər verir ki, bu barədə Tbilisi meriyasında bildirilib.

Məlumata görə, 31 dekabrda Yeni il konsertinin olması, əvvəlki illərdə olduğu kimi şəhərin bəzədilməsi və Milad kəndinin təşkil olunacağı hələ məlum deyil.

"Yeni il kəndi və Yeni il tədbirləri ilə bağlı hələ qərar verilməyib. Buna görə tədbirlərin harada və hansı formada keçiriləcəyi ilə bağlı qərar verildiyi anda rəsmi məlumat verəcəyik", - deyilir paytaxt meriyasından.

Xatırladaq ki, Meriya Yeni il işıqlandırmalarının quraşdırılmasına başlayıb. Digər tərəfdən, Gürcüstanın böyük şəhərlərində saat 22: 00-dan 05: 00-a qədər hərəkət qadağandır.