Gürcüstanda karantində saxlanılanların sayı 3000 nəfərə yaxınlaşdı

Gürcüstanda koronavirus infeksiyası ilə bağlı karantin nəzarətində saxlanılanların sayı 2956-a çatıb.

InterPress.ge xəbər verir ki, bu barədə Gürcüstan hökumətinin koronavirusla bağlı yaratdığı xüsusi rəsmi saytda bildirilib.

Sayta verilən məlumata görə, stasionar nəzarətdə saxlanılan şəxslərin sayı isə 291 nəfər təşkil edir.

Qeyd edək ki, Gürcüstanda koronavirusa 54 yoluxma halı təsdiqlənib. Onlardan üçü tam sağalaraq evə buraxılıb.