“Soyadımı Qaytar” kanpaniyasına Gürcü Arzusundan olan Mariam Laşxi münasibət bildirdi

Bir ildən çoxdur ki, Salam Platforması tərəfindən “Soyadımı Qaytar” kanpaniyası başladılıb.

Interpress.ge xəbər verir ki, kampaniya etnik azərbaycanlıların avtentik soyadlarını bərpa etmək məqsədini daşıyır.

Bildiyiniz kimi, etnik azərbaycanlıların soyadlarının (ov, ev, ova eva) sonluğı Sovet imperializmini özündə cəmləşdirir.

Sovet dövründə, xüsusən 1930-cu illərdəki repressiv siyasət nəticəsində və əhalinin ümumi siyahıyaalınması yəni pasportlaşdırılması zamanı etnik azərbaycanlıların soyadlarına rus sonluqları əlavə olundu.

Qeyd etmək lazımdır ki, postsovet məkanında soyadının bərpası və rus şəkilçilərinin yığışdırılmasını əhatə edən qanunverici səviyyədə nümunələr mövcuddur. Bununla birlikdə, Gürcüstanda mövcud qanunvericilik bazası avtentik soyadların qaytarılmağına imkan vermir.

Gürcüstanın 20% -i, həm də soyadların 20% -i Rusiya imperialist şüuru tərəfindən işğal edilmişdir.

Salam Platforması əhalinin və icmanın Gürcüstanda qanunvericilik səviyyəsində soyadında müvafiq dəyişikliklərin edilməsi ilə bağlı sadələşdirilmiş bir qaydaya sahib olmaq istəyini bildirir.

Onlar işğaldan azad etmə prosesinin məhz rus imperializminin izlərinin silinməsi ilə başladığına inandığını söyləyirlər.

Salam Platforması, siyasi partiyaların nümayəndələri ilə müsahibələrin qeyd edilməsini əhatə edən advokatlaşdırma prosesində yeni bir mərhələyə başlayır.

Eyni zamanda həm də siyasətçini məlumatlandırmaqdan ibarət olan sual:

Salam Platformasının başladığı “Soyadımı Qaytar” kampaniyasını dəstəkləyirsinizmi?

Bu mövzuda bir qanunvericilik təşəbbüsünün tərəfdarı və ya təşəbbüskarı olarsınız?

Salam Platforması bildirir ki, geri bildirim aldıqları siyasətçilərdən və Gürcüstan parlamentinin üzvlərindən biri, Gürcü Arzusu - Demokratik Gürcüstan partiyasından Mariam Laşxi olub.

“Soyadla bağlı sizinlə razıyam, pasportlaşdırma və Sovet təsirindən qurtulmaq və tarixi soyadına qayıtmaq vacibdir! Bu mövzuda Azərbaycanda baş verənləri parlamentə təqdim etsəniz yaxşı olar, bu problemi olan insanlardan imza toplamaq da vacib olacaq, bir növ petisiya olaraq"- qeyd edib M.Laşxi.