Tatarıstanın baş qanuni oğrusu həbs edilib

Kazan rayon məhkəməsi Tatarıstanın kriminal aləmində ən yüksək mövqe tutduğu bildirilən Sergey Neyderovun iki ay müddətinə həbs olunması barədə qərar qəbul edib.

InterPress.ge “RİA Novosti”yə istinadən xəbər verir ki, Tatarıstan DİN-in məlumatına görə, 59 yaşlı Neyderov dəfələrlə quldurluq, sənədlərin saxtalaşdırılması və xuliqanlıq səbəbindən həbs olunub. O, 2015-ci ildə keçirilən qanuni oğruların iclasında respublika üzrə “vəziyyətə baxan” şəxs seçilib.

Hazırda Tatarıstanın hüquq-mühafizə orqanları qanuni oğrunun fəaliyyəti ilə bağlı araşdırma aparır.