Gürcüstanda onlarla koronavirusa yoluxma hallarının olacağı proqnozlaşdırılır

"Yaxın günlərdə Gürcüstanda yeni koronavirus xəstəliyinin böyümə dinamikası sürətlənəcək və ölkədə hər gün onlarla yeni xəstə olacaqdır".

InterPress.ge xəbər verir ki, bu proqnozu Tiflisin Mərkəzi Yoluxucu Xəstəxanasının direktoru Tengiz Çerçvadze İctimai Televiziyanın efirində səsləndirib.

Koronavirus infeksiyasının ilk halı fevralın 26-da Gürcüstanda aşkarlanıb. O gündən bu yana ölkədə 148 fakt qeydə alınıb. Mütəxəssislər aprel ayının ikinci yarısında pik həddə çatacağını gözləyirlər.

“Yoluxmaların sayı onlarla olacaq, yüzlərlə, minlərlə və on minlərlə deyil. Əvvəldən dedim ki, yoluxmanın sayı artacaq, amma bu, digər Avropa ölkələrinə nisbətən daha az olacaq "dedi Çerçvadze.