Nika Melia: "Lazım hesab etdiyimiz qərarı verdik"

"Ən vacib olan konkret məsələlərdə fəal iştirak edəcəyik".

InterPress.ge xəbər verir ki, bu barədə "Vahid Milli Hərəkat"ın sədri Nika Melia parlamentə getdikdən sonra jurnalistlərə açıqlama verib.

Vasitəçilər tərəfindən təklif olunan sənədi imzalamaq və ya imzalamamaq məsələsinə gəldikdə, Nika Melia lazım olduğunu düşündükləri qərarı verdiklərini deyib.

"Lazım hesab etdiyimiz qərarı verdik, digər partiyalar da lazım hesab etdikləri qərarı verdi. Yəni bu səhifə çevrildi, irəliyə doğru gedirik", - dedi Melia.

Məlumat üçün bildirək ki, "Milli Hərəkat" parlamentə girib, ancaq Şarl Mişel tərəfindən təklif olunan razılaşma sənədini imzalamayıb.