Bu sektorda çalışanlar prioritet olaraq peyvənd ediləcəklər

"Turizm sektorunda işləyən insanların peyvəndlənməsi uğurla həyata keçirilir, buna aviasiya işçiləri də əlavə olunacaq".

InterPress.ge xəbər verir ki, bu barədə İqtisadiyyat naziri Natia Turnava Koordinasiya Şurasının iclasından sonra keçirilən brifinqdə deyib.

"Pilotlar, dispetçerlər və digər kateqoriyadakı personallar prioritet olaraq aşılanacaq ki, bu da Gürcüstanın təhlükəsiz ev sahibi ölkə kimi potensialını və cəlbediciliyini artıracaq", - dedi Turnava.

Xatırladaq ki, Gürcüstanda "Astrazeneca" ilə aşılama 15 mart 2021-ci ildə, "Pfizer" ilə isə 30 martda başladı. 3 aprel tarixində ölkə 100.000 doza "Sinopharm" peyvəndi aldı. Bu peyvəndin istifadəsi 4 mayda, "Sinovac" ilə immunizasiya isə 24 mayda başladı.