Azərbaycan MN: Ermənistan silahlı qüvvələri Tovuz istiqamətində mövqelərimizi atəşə tutub

"İyunun 27-də saat 20:40 radələrində Ermənistan silahlı qüvvələrinin bölmələri Berd rayonunun Kolagir kəndi yaxınlığında yerləşən mövqelərdən Tovuz rayonu Qaralar kəndi istiqamətində yerləşən Azərbaycan Ordusunun mövqelərini atıcı silahlardan atəşə tutub".

Bu barədə InterPress.ge Azərbaycanın Müdafiə Nazirliyinə istinadən xəbər verir.

Azərbaycan Ordusunun şəxsi heyəti arasında həlak olan və yaralanan olmadığı bildirilir.

"Hazırda bu istiqamətdə vəziyyət sabitdir, əməliyyat şəraiti bölmələrimizin nəzarəti altındadır", -deyə məlumatda bildirilir.