Ğaribaşvili: "Bir sadə xahişimiz var..."

"Bu günkü 2 616 yoluxma həyəcan vericidir".
InterPress.ge xəbər verir ki, bu barədə Gürcüstanın Baş naziri İrakli Ğaribaşvili hökumət iclasında bəyan edib.

"Çox pis bir tendensiyamız var, bir tərəfdən iqtisadiyyatı, tərəqqini və vətəndaşların rifahını qorumaq istəyirik, hər kəsin xoşbəxt və sevincli olmasını istəyirik, digər tərəfdən isə yalnız bir sadə xahişimiz var - xahiş edirəm peyvənd olunun. Vətəndaşlarımız hökumətin yanında olmasa, tək başına biz heç bir şey təmin edə bilməyəcəyik. Edilməsi lazım olan hər şeyi etdik, ehtiyacımızdan daha çox aşılarımız var, yenə lazım olsa, yenə gələcək", - deyə Baş nazir qeyd edib.

Qeyd edək ki, bu gün Gürcüstanda 2 616 yeni yoluxma halı qeydə alınıb.