Gürcüstanda koronavirusa yoluxma sayı artdı - STATİSTİKA

Gürcüstanda yeni növ koronavirusa (COVID-19) son 24 saat ərzində 3196 yeni yoluxma halı qeydə alınıb.

InterPress.ge xəbər verir ki, bu barədə məlumat hökumət tərəfindən xüsusi olaraq hazırlanmış veb saytında, stopcov.ge-də yerləşdirilib.

Bununla da ölkədə virusa yoluxanların ümumi sayı 419534 nəfərə çatıb.

Sağalanların sayına gəldikdə isə, ölkədə son 24 saat ərzində 1147 sağalma qeydə alınaraq ümumi sağalanların sayı 382 393 nəfər təşkil edib.

Eyni zamanda bildirilir ki, bu gün koronavirusdan daha 27 nəfər ölüb və ölənlərin ümumi sayı 5820 nəfər təşkil edib.