Azərbaycan MN: Ermənistan Silahlı Qüvvələri tərəfindən mövqelərimiz atəşə tutulub

Avqustun 5-i saat 23:00-da və 23:50-də Ermənistan Silahlı Qüvvələrinin bölmələri Vedi rayonunun Arazdəyən, Basarkeçər rayonunun Yuxarı Zağalı yaşayış məntəqəsində yerləşən mövqelərindən Sədərək rayonunun Heydərabad, Kəlbəcər rayonunun İstisu yaşayış məntəqələri istiqamətində yerləşən Azərbaycan Ordusunun mövqelərini fasilələrlə atıcı silahlardan atəşə tutub.

InterPress.ge xəbər verir ki, bu məlumatı Azərbaycanın Müdafiə Nazirliyi yayıb.

Azərbaycan Ordusunun şəxsi heyəti arasında həlak olan və yaralanan olmadığı bildirilir.

Qeyd olunur ki, cavab atəşi ilə qarşı tərəf susdurulub. Əməliyyat şəraiti Azərbaycan bölmələri nəzarəti altındadır.