Almaniya “AstraZeneca” peyvəndlərini yoxsul ölkələrə bağışlayacaq

Almaniya 1,3 milyon dozalıq “AstraZeneca” peyvəndini aşağı gəlirli ölkələrə bağışlayacaq.

Bunu ölkə hökumətinin sözcüsü Ulrike Demmer mətbuat konfransı zamanı bəyan edib.

O, qeyd edib ki, artıq vaksinlərin BMT-nin COVAX proqramı çərçivəsində Sudan, Efiopiya, Əfqanıstan, Tacikistan, Özbəkistan kimi ölkələrə çatdırılmasına başlanılıb.

Məlumat üçün bildirək ki, Almaniya bugünədək 18 milyon doza “AstraZeneca” peyvəndi əldə edib.