Gürcüstanda koronavirusla bağlı son vəziyyət - STATİSTİKA

Gürcüstanda yeni növ koronavirusa (COVID-19) son 24 saat ərzində 4 314 yeni yoluxma halı qeydə alınıb.

InterPress.ge xəbər verir ki, bu barədə məlumatı Milli Xəstəliklərə Nəzarət Mərkəzi yayıb. 

Bununla da ölkədə virusa yoluxanların ümumi sayı 481 578 nəfərə çatıb.

Sağalanların sayına gəldikdə isə, ölkədə son 24 saat ərzində 4 519 sağalma qeydə alınaraq ümumi sağalanların sayı 421 532 nəfər təşkil edib.

Eyni zamanda bildirilir ki, bu gün koronavirusdan daha 35 nəfər ölüb və ölənlərin ümumi sayı 6406 nəfər təşkil edib.