Aİ-nin XİN başçıları Əfqanıstandakı vəziyyəti müzakirə edəcək

Avropa İttifaqına üzv ölkələrin xarici işlər nazirləri Əfqanıstandakı vəziyyəti müzakirə edəcəklər.

InterPress.ge “TASS”a istinadən xəbər verir ki, müzakirə 18 avqustda videokonfrans yolu ilə gerçəkləşdiriləcək.

Bildirilib ki, Əfqanıstandakı fövqəladə vəziyyətlə bağlı təcili müzakirələrin keçirilməsi vacibdir.

Bu təşəbbüslə Yunanıstan, İspaniya, İtaliya, Malta və Kipr çıxış edib. Aralıq dəniz sahillərində yerləşən bu ölkələrin qaçqın axınları ilə bağlı təhlükəsizliyi də müzakirə mövzusu olacaq.