Qabal kəndində evin həyətinə qumbara atdılar

Laqodexi Bələdiyyəsinin Qabal kəndindəki evlərdən birinin həyətinə iki əl qumbarası atılıb.

InterPress.ge xəbər verir ki, partlayıcı qurğu evin həyətindəki avtomobilə ziyan vurub.

Hadisə nəticəsində xəsarət alan olmayıb.

Təsdiq edilməmiş məlumatlara görə, fakt kənd bazarının mübahisəli biznes paylarının bölünməsi ilə bağlıdır.

Bu fakt Cinayət Məcəlləsinin 236 -cı maddəsinin 3 və 4 -cü hissələri (qanunsuz olaraq odlu silah, partlayıcı maddə və ya partlayıcı qurğu əldə etmə, saxlama, gəzdirmə) və 188 -ci maddə (ehtiyatsızlıqdan əşyanın zədələnməsi və ya məhv edilməsi) ilə araşdırılır.