Gürcüstanda koronavirusa yoluxma sürətlə artır

Gürcüstanda yeni növ koronavirusa (COVID-19) son 24 saat ərzində 5 553 yeni yoluxma halı qeydə alınıb.

InterPress.ge xəbər verir ki, bu barədə məlumatı Milli Xəstəliklərə Nəzarət Mərkəzi yayıb.

Bununla da ölkədə virusa yoluxanların ümumi sayı 726 941 nəfərə çatıb.

Sağalanların sayına gəldikdə isə, ölkədə son 24 saat ərzində 4 223 sağalma qeydə alınaraq ümumi sağalanların sayı 669 822 nəfər təşkil edib.

Eyni zamanda bildirilir ki, bu gün koronavirusdan daha 47 nəfər ölüb və ölənlərin ümumi sayı 10 136 nəfər təşkil edib.