Son sutkada koronavirusa yoluxanların sayı artdı

Gürcüstanda yeni növ koronavirusa (COVID-19) son 24 saat ərzində 6 021 yeni yoluxma halı qeydə alınıb.

InterPress.ge xəbər verir ki, bu barədə məlumatı Milli Xəstəliklərə Nəzarət Mərkəzi yayıb.

Bununla da ölkədə virusa yoluxanların ümumi sayı 761 067 nəfərə çatıb.

Sağalanların sayına gəldikdə isə, ölkədə son 24 saat ərzində 3 792 sağalma qeydə alınaraq ümumi sağalanların sayı 696 921 nəfər təşkil edib.

Eyni zamanda bildirilir ki, bu gün koronavirusdan daha 75 nəfər ölüb və ölənlərin ümumi sayı 10 584 nəfər təşkil edib.